ما بين فيسبوك، انستجرام، سناب شات، واخيراً الخناقة اللي كانت دايرة بين مارك و إيلون ماسك عشان تويتر وثريدز… دي أجدد اتجاهات التسويق ” ولسه فيه أدوات تانية كتير”
ورغم كدا الإيميل هو العمود الفقري لأي حملة تسويقية حققت الـROI
هو الايميل مات؟!
ميهمكش اللي بيقولوا أن محدش بقي بيفتح الإيميل… لو 1% فتحوا رسالتك دي حاجة كويسة جداً
هتقولي 1% كفاية!
هقولك الإيميل مش بفلوس يعني تسويق من غير ما تدفع جنيه.. وعلي عكس السوشيال ميديا مفيش حاجة تخطف عين عميلك أو حتي تشتت إنتباهه.
أول مرة!!
في سنة 1978، بدأ غاري ثورك أول حملة تسويق بالإيميل في التاريخ، هدفها الوصول لـ400 عميل …حققت مبيعات ب 13 مليون دولار (اانت متخيل الرقم دا وقتها!!)
أمازون..أستاذة تسويق نتعلم منهم
سنة 2003، أمازون بعتت إيميل تعرض فيه جهاز Kindle فرى لأول 100,000 عميل هيرد على الإيميل.الكامبين حققت نجاح كبير جداً، والدليل أن أمازون باعت أكتر من مليون جهازKindle فى أول سنة.
أضخم حملة في التاريخ!
سنة 1996 شركة “Xoom” عملت اكبر حملة تسويق بالإيميل بتتدرس في كتب التسويق لحد دلوقتي.
بعتت حملة كانت معمولة “تحت بند الهزار” لـ 6 مليون واحد بيستخدموا النت عشان يعلنوا عن “Email Robot” – ودا كان بيشيل اي ايميل شاكين فيه-
علي الرغم انها عملت مشاكل كتير اوي عشان كانت مدعومة بخوادم تقيلة والمفاجأة كانت ان في 100 الف شخص نزل البرنامج دا…
عشان كدا “Xoom” أعلنت ان الحملة نجحت
وفي الأخر حابب أقولك
موقع Statista المتخصص قال إن عدد مستخدمي الإيميل وصل لـ 4.37 مليار مستخدم حول العالم
