ملايين الناس اللي بتحارب كل يوم عشان يلموا متابعين ع مواقع السيوشيال ميديا، فيسبوك وانستجرام ويوتيوب….. ملايين على مستوى العالم حرفيا
ياترى الناس اللي عندها ملايين المتابعين بتكسب فلوس!!
وياترى بيكسبوا كام ؟
للأسف نسبة بسيطة بس من الناس دول هما الي بيعرفوا يكسبوا ( او على الاقل لغاية دلوقتي)
انت عندك متابعين على الفيسبوك اه.. بس انت مش “مارك” صاحب الفيسبوك… مارك نفسه خايف يخسر
انا فاكر زمان كان من قبل ٥ سنين تقريبا كان البوست لواحد عنده ١٠٠٠ متابع بيجيب اكتر من بوست لواحدة عنده ١٠ و٥٠ الف متابع دلوقتي
فاكر المنتديات زمان، وياسلام لو حد بقى مشرف قسم في موقع (بيحس انه محافظ)
اهو ٩٩٪ من المنتديات اللي كان زوارها بالملايين ومفيش منافسة (دلوقتي حرفيا ماتت) واشهرهم مكتوب ياهوو.. مين كان يتخيل!
انا معاك ان السوشيال ميديا كانت سبب في اختفاء المنتديات.. عشان وصلت الناس ببعض بشكل اسرع. صح مش كده؟
طيب انت على يقين ان موقع السيوشيال ميديا اللي عليه اكونتك اصلا. .. هيقدر يكمل ؟
تفتكر ممكن يكمل كام سنة
زي ماقلتلك مارك نفسه خايف من بكره.. بس هو كل ساعة بيحاول يكتشف بكره في ايه، او على الاقل يوصل لحاجه تغير بكره
عزيزي صاحب الفولولز او الانفلونصر.. انت معرض للسقوط في اي لحظة.. انت حرفيا لاتملك شئ
طيب ايه الحل ؟
– افتي يعني واقولك انا عارف ؟
بس هي معروفة.. اي معركة لازمها سلاح، وسلاحك في الحرب دي انك تتعلم
أترك تعليق